ცხელი ვაკანსია – ტურისტული გიდი

ზაფხული ყველაზე ,,მკვდარი’’ სეზონია. ხალხი ქალაქს არიდებს თავს და ქუჩები ცარიელდება, კომპანიების აქტივობა იკლებს, შემოსავალი მცირდება. მცირდება ვაკანსიებიც და განსაკუთრებით ჭირს სამუშაოს პოვნა. გასაკვირია, მაგრამ სამუშაოს პოვნის ყველაზე მეტი შანსი ზაფხულშია: ახალი კადრი ზაფხულშიც საჭიროა, მოსახლეობის უდიდესი ნაწილი კი გასულია ქალაქიდან, რჩებიან უმეტესად ისინი, ვინც სამუშაოს გამო ვერ ახერხებს დასვენებას, და შედარებით ცოტა უმუშევარი. შესაბამისად, უფრო დიდია შესაძლებლობა, რომ თქვენ CV-ის წაიკითხავენ.

ზაფხულში ყველაზე ხშირად ტურისტული კომპანიებს სჭირდებათ კადრი. ტურსიტული სააგენტოების ენაზე რომ ვთქვათ, ეს არის ზაფხულის ცხელი ვაკანსია. თუ გიყვართ მოგზაურობა და ადამიანებთან ურთიერთობა, თუ იცით უცხო ენა და ისტორია, მაშინ ეს ვაკანსია თქვენთვის ყოფილა და ზაფხულში მუშაობასა და დასვენებას შესანიშნავად შეუთავსებთ ერთმანეთს.

ერთი შეხედვით საკმაოდ ადვილი უნდა იყოს ტურისტების  გაძღოლა, მაგრამ კარგი გიდის გარეშე მშვენიერი ბუნება და გასაოცარი ხედები,  ისტორიული ძეგლები და ადგილები მხოლოდ ვიზუალურ შთაბეჭდილებას მოახდენს ტურისტებზე. შენობა თავისთავად მხოლოდ შენობაა, ადამიანი აქცევს შენობას, ისტორიულ ძეგლებს და ბუნებას  საინტერესოდ. კარგი გიდის მიზანიც სწორედ ის არის, რომ განსაკუთრებული, უცნობი მხრიდან დაანახოს ტურისტს ესა თუ ის ძეგლი და დაუვიწყარი გახადოს მოგზაურობა.

Read More »

ფერთა ფსიქოლოგია და ინტერნეტ მარკეტინგი

ფერებს განსაკუთრებული მნიშვნელობა აქვს სამყაროში. წარმოუდგენლად დიდია მათი გავლენა ემოციებსა და გრძნობებზე. ფერმა შეიძლება შეცვალოს ჩვენი განწყობა და ქცევა, გამოიწვიოს საპასუხო რეაქცია და, პირიქით, საერთოდ დაგვაკარგინოს მოქმედების სურვილი.  ისინი მოქმედებენ ადამიანის კონცენტრირებისა და სწავლის უნარზე და აქვთ ფიზიოლოგიური, ფსიქოლოგიური და სოციოლოგიური შედეგები.

ბევრი არასწორად მიიჩნევს, რომ ფერი მხოლოდ შეფერილობას ცვლის, სინამდვილეში კი ის ძლიერ სიგნალს წარმოადგენს. 1981 წელს მეცნიერებმა დაადგინეს, რომ წნევისა და აგრესიის დარეგულირება შეიძლება ოთახში განათების შეცვლით.

Read More »

როგორ განვსაზღვროთ საკვანძო სიტყვები ვებ გვერდისათვის

ალბათ ცოტამ თუ იცის, რომ დღეს სამას მილიონამდე ვებ გვერდი არსებობს ინტერნეტ სამყაროში. რამდენი გახსოვთ თქვენ? ხუთი? შვიდი? – მაქსიმუმ თხუთმეტი. კონკურენცია მართლაც ძალზედ დიდია. თითქმის წარმოუდგენელად გეჩვენებათ, რომ თქვენი ვებ გვერდი როდესმე გუგლის საძიებო შედეგებში პირველ ადგილზე აღმოჩნდება. თუ როდესმე ამის შესაძლებლობაში ეჭვი შეგეპარებათ, გაიხსენეთ, რომ თქვენი საიტი განსხვავდება ამ სამასი მილიონი ვებ გვერდისაგან. შეუძლებელია სხვებიც ზუსტად იმავე მომსახურებასა თუ პროდუქტს სთავაზობდნენ მომხმარებელს, როგორსაც – თქვენ. ისღა დაგრჩენიათ, რომ თქვენი ვებ გვერდი საჭირო ხალხთან მიიტანოთ.

წარმატების პირველი საიდუმლო: გახსოვდეთ, რომ საიტს მომხმარებლისთვის ქმნით და არა, გუგლის რობოტისთვის. თუ ამ პრინციპით იხელმძღვანელებთ საიტის ოპტიმიზაციისას (SEO), წარმატება გარანტირებული გექნებათ.

ბევრი ფიქრობს, რომ წარმატების საიდუმლო დიდი რაოდენობით ვიზიტორის მიზიდვაშია. ერთი შეხედვით, 1 000 ვიზიტორი მართლაც სჯობს 100-ს. მაგრამ სინამდვილეში, უკეთესია, გყავდეს 100 ვიზიტორი, რომელიც ზუსტად თქვენს მომსახურებასა და შესაბამისად, თქვენს ვებ გვერდს ეძებს, ვიდრე ათასობით სტუმარი შემოვიდეს, პირველ გვერდს გადახედოს, უკმაყოფილოდ გაბრუნდეს უკან და აღარასოდეს  შემოიხედოს.

Read More »

გუგლბოტი და ობობები

ინტერნეტის მოყვარულები ამბობენ, რომ ,,მოგზაურობა ათასი საიტის სამყაროში მაუსის ღილაკზე თითის ერთი დაჭერით იწყება’’. მართლაც ინტერნეტი ბევრისთვის ყველაზე საინტერესო და რეალური სამყაროა. რაც უფრო ღრმად შედიხარ ამ რთულსა და საოცრად მოწესრიგებულ, ლოგიკურ სისტემაში, მით უფრო გიზიდავს და გაოცებს თავისი სირთულით. თანდათან ხვდები, რომ ის, რაც ერთხელ წარმოუდგენლად გეჩვენებოდა, თურმე სავსებით შესაძლებელი ყოფილა. თანდათან შენ წინ ზღაპრული სამყარო იშლება და გინდა, იქიდან აღარასოდეს გამოხვიდე.

განა როდესმე წარმოდიგენდით, რომ ადამიანის გარდა სხვა არსებაც იძრომიალებდა ვებ გვერდებზე და დაინტერესდებოდა ახალი ინფორმაციით. ალბათ ვერც იმას იფიქრებდით, რომ ობობები ინტერნეტშიც არსებობენ და ახლა შეიძლება,   ჩვენთან ერთდ ერთი-ორი პაწაწინა ობობაც კითხულობს ამ ბლოგს.

ხუმრობა იქით იყოს და, დაფიქრებულხართ, თუ როგორ ახერხებს გუგლი თქვენთვის საჭირო ინფორმაციის წამებში მოძიებას? საკმარისია, სასურველი სიტყვა ჩაწეროთ გუგლის საძიებელში, რომ მაშინვე ათასობით შედეგი ჩნდება მონიტორებზე.

სწორედ ამისთვის არსებობს გუგლბოტი (Googlebot), იაჰუ სლერპი (Yahoo Slurp), MSNბოტი (MSNbot) და მსგავსი ობობები, ბოტები, რობოტები და კროლერები (crawlers), რომლებიც გამუდმებით მოიპოვებენ ინფორმაციას საძიებო სისტემებისთვის.

ობობები თუ არ გიყვართ, ნუ შეგეშინდებათ: ინტერნეტ სამყაროში ობობა სხვა არაფერია, თუ არა კომპიუტერული პროგრამა, რომელიც ქსელში განსაზღვრულ ბმულებს, ლინკებს მიჰყვება და ინფორმაციას აგროვებს. მაგალითად, გუგლბოტი HREF და SRC ტაგებს ამოწმებს, რომ შესაბამის საიტებთან დაკავშირებული გვერდები და გამოსახულებები აღმოაჩინოს. ასე დაცოცავენ ეს ობობები ინტერნეტის ქსელში და, ვინაიდან ისინი მხოლოდ კომპიუტერული პროგრამები არიან და, შესაბამისად, ცოცხალ მწერებსაც ჩამორჩებიან მოსაზრებულობაში, ზოგჯერ ვებ გვერდთა დაუსრულებელ ხლართებშიც კი იჭედებიან.

Read More »

ინტერნეტ მარკეტინგი

ინტერნეტ მარკეტინგი (ინგ. internet marketing) – მარკეტინგი ინტერნეტის საშუალებით, პროდუქციისა და მომსახურების გაყიდვა ინტერნეტით, რომლის ძირითადი მიზანია მაქსიმალური შედეგის მიღება საიტის პოტენციური აუდიტორიისაგან.

რა საჭიროა ინტერნეტ მარკეტინგი? დღეს ინეტრნეტი უდიდესი სფეროა მთელს მსოფლიოში.  ინტერნეტისთვის არ არსებობს ასაკი, ეროვნება, ქვეყანა. ეს არის სისტემა, რომელიც მაგნიტივით იზიდავს და აკავშირებს ადამიანებს.

ყოველდღიურად მილიონობით ახალი საიტი იქმნება, მაგრამ იმისთვის, რომ ვებ გვერდი  კონკურენტუნარიანი იყოს, მხოლოდ დომენის დარეგისტრირება და კონტენტის ატვირთვა არ კმარა. ეფექტური სტრატეგიისა და ინტერნეტ მარკეტინგის გარეშე თქვენი ვებ გვერდი დაიკარგება ამ უკიდეგანო სივრცეში. როგორც ერიკ უორდი, მარკეტინგის კონსულტანტი აღნიშნავს, ,,რა მნიშვნელობა აქვს, რამდენს დახარჯავთ ვებ გვერდზე. ის უხილავია, ვიდრე მის ბმულს ვიღაც არ იპოვის’’.

Read More »

მარკეტინგული კვლევა

ბლოგის ავტორი  დასაქმების საიტი. ვაკანსიები, ტრენინგები, რეზიუმეები

იმისათვის, რომ მარკეტინგის მენეჯერებმა ეფექტური გადაწყვეტილებები მიიღონ უნდა ფლობდნენ ახალ, სანდო და სასარგებლო ინფორმაციას. დღევანდელ კონკურენტულ, გლობალურ ეკონომიკურ გარემოში, მარკეტოლოგებმა უნდა განავითარონ თავიანთი შესაძლებლობები და თავიდან აიცილონ შეცდომები, თუ სურვილი აქვთ, რომ გადარჩნენ და წარმატებას მიაღწიონ. საჭიროა არა მხოლოდ ზოგადი მარკეტინგული კვლევა, არამედ მთელი სისტემა, საიდანაც შესაძლებელია დროულად მივიღოთ სასარგებლო ინფორმაცია, იმისათვის რომ მიღებულ იქნას შესაბამისი გადაწყვეტილება. მარკეტინგული კვლევის როლი მარკეტინგული კვლევა ეს არის პროცესი რომლის დროსაც ხდება არსებული გარემოს შესახებ ინფორმაციის განზოგადება, ანალიზი და ახსნა, რათა შემდგომში მოხდეს მისი გამოყენება მარკეტინგული გადაწყვეტილების მიღებისას. სხვა სიტყვებით, რომ ვთქვათ მარკეტინგული კვლევა არ იღებს გადაწყვეტილებებს, მაგრამ მას შეუძლია მნიშვნელოვნად გაზარდოს იმის შანსები, რომ მიღებულ იქნას სწორი და მომგებიანი გადაწყვეტილებები.

Read More »

მარკეტინგი და გაყიდვები

ბლოგის ავტორი  დასაქმების საიტი. ვაკანსიები, ტრენინგები, რეზიუმეები

ხშირად იბადება კითხვა, არის თუ არა განსხვავება მარკეტინგსა და გაყიდვებს შორის. მარკეტინგის მეშვეობით ჩნდება ხედვა, თუ როგორ უნდა წარმართოთ გაყიდვები. თუმცა, არც გაყიდვების ეფექტური ტექნიკებისა და სტრატეგიის გარეშე იქნება მარკეტინგი წარმატებული. მარკეტინგი არის მართვის პროცესი, რომელიც უზრუნველყოფს მომხმარებლის მოთხოვნების განსაზღვრას და მათ დაკმაყოფილებას მწარმოებლისათვის მომგებიანი გზებით .

მარკეტინგი არის ყველაფერი, რაც გჭირდებათ დასახული მიზნის მისაღწევად და მყიდველთან მისასვლელად. გაყიდვების პროცესი არის ყველაფერი, რასაც აკეთებთ, რათა ხელი მოაწეროთ კონტრაქტს და სისრულეში მოიყვანოთ გაყიდვების პროცესი. ორივე აუცილებელია ბიზნესის წარმატებისთვის. საკმარისია ამოაგდოთ რომელიმე მათგანი და წა. სტრატეგიულად კომბინირებულ ორივე კომპონენტი წარმატებული ბიზნესის საწინდარია და თუ ეს ძალისხმევა დაუბალანსებელია, შესაძლებელია, თქვენი წარმატება სხვა მიმართულებით წავიდეს.

Read More »